Ekipa servisu tekníku Ministeriu Administrasaun Estatal tuir observasaun iha terenu kontinua orienta hela servisu sira hanesan rehabilitasaun rin bandeira nian no identifika fatin apropriadu ba bainaka VIP sira, no fatin ba feira nasionál hodi promove produtu lokál, nu’udar reflesaun ba sakrifísiu luta nian, no fatin sira ne’e ekipa orienta tuir layout ne’ebé iha ona dezenñu.
Komemorasaun loron istoriku ne’e, Governu selebra kada tinan hodi anima povu atu relembra hikas memoria povu Timor-Leste nia sakrifisiu no luta durante tinan barak hodi atinjie vitoria ba Ukun Rasik-An.
Loron Restaurasaun Independénsia Timor-Leste selebra tinan-tinan iha 20 de Maiu ne’e, nu’udar marka istóriku restaurasaun soberania nasionál iha 20 Maiu 2002 husi Administrasun Transisionál ONU (UNTAET) ba Repúblika Demokrátika Timor-Leste (RDTL).
Nu-entantu, Komemorasaun ba tinan ne’e, hanesan tinan-tinan atividade sira mak hanesan misa agradesimentu, no atividades kulturál, inklui serimónia isar Bandeira Nasionál, devertementu sira hanesan; promove produtu lokál ne’ebé Governu sei anima povu sira tantu iha nivel nasionál to’o munisipál.
Selebrasaun ba tinan ne’e, IX Governu foti tema nasionál,” “juntos construiremos uma pátria cada vez mais justa, inclusiva e resiliente”. ne’ebé hetan ona aprovasaun husi reuniaun konsellu Ministro iha 15 Abril 2026 liu ba iha Palasiu Governu.
#Remata
#(Medi@Mae)
