DILI, Sexta Feira, 8 Abril 2026.
Membru ‘Konsellu Administrasaun Fundu Infraestrutura’ (CAFI) foin lalais ne’e hala’o diskusaun ida hodi diskute kona-ba dezenvolvimentu no progresu husi projetu sira ne’ebé hetan finansiamentu husi Fundu Infraestrutura (FI), Iha reuniaun ne’e, membru CAFI sira hamutuk ho ekipa tekníku diskuti detalladamente kona-ba sirkunstansias husi Implementasaun kondisaun projeitu sira nia enviromentu ne’ebé mak la’o hela iha terrenu ho nia dezafiu sira ne’ebé mak ekipa servisu tekníku sira hasoru.
Alein de deskuti asuntu tekníku sira iha leten, membru CAFI mos deskuti mos kona-ba aprovasaun Projetu Foun no planeamentu ba projetu foun sira ne’ebé foka ba área importante sira hanesan estrada, bee-mós, no saneamentu. Nu-entantu diskusaun membru CAFI ne’e foka mos ba Kualidade projeitu ho nia Orsamentu sira hodi nune’e atu garante katak kualidade husi obra sira ne’e tuir padraun ne’ebé mak determina ona no uza orsamentu ho efisiente, afirma Presidenti CAFI.
Prezidente CAFI mós afirma liu tan katak enkontru ida ne’e importante tebes atu asegura katak projetu hotu-hotu bele fó benefísiu diretu ba komunidade no kontribui ba dezenvolvimentu Timor-Leste nia ekonómia iha futuru.
Reuniaun ne’e hetan Partisipasaun maximu husi membru CAFI husi reprezentante ministeriu relevante, no membru governu sira.
#Hotu
Media@Mae_2026
