Tersa Feira, 7 Abril 2026 – S.E Ministro MAE, Tomás do Rosário Cabral hala’o Reuniaun ida ho Embaixador Portugal iha Timor Leste, Duarte Bué Alves, iha sala reuniaun Gabinete Ministru hodi diskute kona-ba preparasaun Transladaun Restos Mortais Preladus Katólikos ne’ebé hala’o sira nia kna’ar pastorál iha Timor-Leste.
Iha diskusaun ne’e, parte rua foka liu ba koordenasaun ba transporte Aereo husi Portugal mai TIMOR LESTE no asuntu relevantes seluk, ne’ebé sei realiza iha semana ikus fulan Agostu no fulan Setembru tinan ne’e.
Nu-entantu preparasaun ba Transladasaun Restos Mortais Prelados Katólikos ne’ebé hala’o sira nia kna’ar pastoral hamutuk ho povu Timorense iha Timor-Leste mak hanesan, Dom Jaime Garcia Goulart Bispo Da-huluk hala’o kna’ar pastoral iha Timor-Leste husi tinan 1945 to’o 1967, no Dom José Joaquim Ribeiro, nudar Bispo segundo deoseze Dili husi tinan 1967 to’o 1977, no Monsenhor Martinho da Costa Lopes, nudar Timor-oan primeru Administrador Apostóliku Deoseze Dili nian, husi 1977 to’o 1983, sira nia restos mortais halo’ot iha portugal, no Dom Alberto Ricardo da Silva nudar Bispo Deoseze Dili husi tinan 2004 to’o tinan 2015, Nia restos mortais halo’ot iha semiteriu Maloa Dili.
Prosesu ba Transladassun Restos Mortais Misionarios nain tolu husi portugal mai Timor-Leste.
Komisaun responsavel ba prosesu Transladasaun Restos Mortais husi Governu sei responsabliza ba kna’ar operasional sira mak hanesan logistiku, administrativus, finansas no aprovizionamentu, tuir despacho S.E. Primeru Ministru Kayrala Xanana Gusmão nu. 005/PM/III/2026, ne’ebé públika iha loron 2 Marsu 2026 neebe mak sei servisu hamutuk ho ekipa Komisaun Organizadora husi Parte igreja hodi bele realiza ho diak iha prosesu tomak transladasaun nian.
#Remata
#Medi@MAE_2026
