Selebrasaun ba Dala-(24) Aniversáriu Restaurasaun Independénsia RDTL ho Tema: “Juntos Construíremos uma Pátria cada vez mais justa, Inclusiva e Resiliente”
Tetum: “Hamutuk ita sei Konstrui Patria ida ne’ebé justu liu,inkluzivu no reziliente”
Komisaun Organizadora Nasionál ba Komemorasaun Aniversáriu Restaurasaun Independénsia RDTL kompostu husi Ministeriu relevante sira mak hanesan, MAE, MI, MNEC, MD, no orgaun soberanu estadu nian mak hanesan PN, TR, Governu no PR. Eventu Nasionál ne’e sei Komemora iha Loron, Kuarta Feira, data 20 fulan Maiu, iha Praça Tasi-Tolu Dili, no hahu husi 8 Oras dader to’o remata.
Iventu Nasionál ne’e, Konvidadus de onra no konvidadus ofisial sira ne’ebé sei partisipa iha serimoña hasa’e bandeira nasionál iha Praça Tasi-Tolu sei hatais formal no ba militares no Polisiais útiliza farda. Nu-entantu Eventu Nasionál ne’e aposta mos sekuensia programa sira mak hanesan, 8.00. Oras dader, Inísiu formatura forsas iha parada, no husi 8 oras 5 minutus to’o 8 oras, 40 minutus, konvidadus de ondra husi orgaun soberania sira sei to’o iha fatin serimoña.
No iha 9 oras, sei hasa’e bandeira nasionál, remata serimoña hasa’e bandeira sei kontinua ho cocktail iha Praça de Tasi-tolu. Nu-entantu iha parte lokraik nian, sei hatun bandeira nasionál ka Serimónia Arriar Bandeira Nasionál sei komesa husi oras tuku (16.30).
Eventu Nasionál ne’e, sei anima mos populasaun sira iha Dili no sira be mai husi Munisípius ho Abertura Feira Kulinária Lokál no Konserto Musikal husi artista Timor-oan sira ne’ebé sei hahu husi oras tuku 6 lokraik to’o remata. Animasaun konsertu muzikal sei la’o durante loron tolu hahu husi dia 17 to’o dia 20 de Maiu iha Praça Tasi-Tolu. Nu-entantu programa ba animasaun konsertu muzikal no kulinaria sei ensera iha loron 20 de Maiu oras hahu konsertu parte kalan to’o remata. Iha Praça Tasi-Tolu.
Komemorasaun ba tinan ne’e Komisaun Organizadora husi parte liturjia dicidi mos programa ba misa agradesementu sei hala’o iha igreja Katedral Dili, iha oras tuku 9.00 dader, depois de remata missa, sei lori aifunan ba tau iha Simetériu Santa Cruz, Dili hodi fó onra ba Herois Pátria. No programa ne’e sei hala’o iha loron Tersa Feira, data 19 de Maiu antes serimoña komemorasaun 20 de Maiu.
Eventu, Komemorasaun ofisiál,(24º) Aniversáriu Restaurasaun Independénsia Nasionál ne’e, parte Komisaun Organizadora husi Presidenti (K.O) S.E. Ministru MAE Tomás do Rosário Cabral,
Representa Komisaun ba eventu nasionál ne’e, prepara no distribui mos konvites ofisial ba entidades Importante sira tantu iha rai laran no rai liur hodi hola parte iha loron istoriku ne’e, hodi relembra mos luta naruk povu Timor-Leste iha jornada luta ba liberdade nudar Nasaun ne’ebé povu Timor-Leste hetan iha 20 de Maiu 2002, tinan 24 ba kotuk.
#Hotu
#Medi@MAE_2026
