Diretór Jerál Desentralizasaun Governu Lokál (DG-DGL), António Augusto Guterres, hala’o reuniaun kontinuasaun Apoiu Implementasaun Planeamentu Dezenvolvimentu Integradu, ba munisipio Sira iha Salaun VIP, MAE, Caicoli.
Reuniaun nne’e foka liu kona-ba progresu implementasaun Planeamentu Dezenvolvimentu Integradu Munisipál PDIM, ho objetivu mak atu halo avaliasaun ba atividade sira PDIM ne’ebé hahú ona no balu seidauk finaliza.
DG-DGL, Sr. António Augosto Guterres, subliña katak kordinasaun no avaliasaun regular entre munisipio sira importante tebes hodi garante implementasaun PDIM la’o ho di’ak no bele responde ba nesesidade dezenvolvimentu iha munisípiu sira. Nu-entantu, reuniaun ne’e sei reforsa komitmentu atu kontinua hadia planeamentu, no monitorizasaun, ba implementasaun programa dezenvolvimentu integradu atu promove dezenvolvimentu ne’ebé sustentável no inkluzivu iha Munisipiu sira.
#Hotu
#Medi@MAE_2026
