03 Jullu 2026.
Diretór-Jerál Desentralizasaun no Governu Lokál, DG-DGL, Sr. António Augusto Guterres, prezide enkontru tékniku urjente ida ho estrutura Diresaun Nasionál Tuteladas sira iha Salaun VIP MAE.
Enkontru ne’e foka liu ba avaliasaun progresu implementasaun servisu Semestre Dahuluk Tinan 2026, ezekusaun programa, no dezafiu sira ne’ebé mosu iha terrenu.
Diresaun Nasionál Tuteladas ne’ebé partisipa Enkontru ne’e hamutuk dirasaun 5 ne’ebé tutela diretamente ba DG-DGL, mak hanesan, DNAAS Diresaun Nasionál Apoiu ba Administrasaun Suku, DNPFM, Diresaun Nasionál Planeamentu no Finansas Munisipál, DNGL, Diresaun Nasionál Governu Lokál, DNIPDI, no Diresaun Nasionál Apoiu ba Implementasaun Planeamentu, Dezenvolvimentu Integradu, no DNAIM Diresaun Nasionál Instalasaun Munisipál.
Pontu Diskusaun Prinsipál Iha enkontru ne’emak, Diretór-Jerál subliña katak koordenasaun regulár mak xave prinsipál hodi dudu susesu ba polítika desentralizasaun administrativa iha Timor-Leste.
Diskusaun ne’e foka ba Pontu sira mak hanesan, Ezekusaun Planu, Avalia ho didi’ak meta sira iha Planu Asaun Anuál, PAA, ba tinan 2026, liu-liu ba fulan neen dahuluk nian. Identifikasaun Dezafiu, Nota ba kestaun téknika, rekursu, no lojístika ne’ebé impede dezenvolvimentu iha baze.
Hametin Piramide Servisu, Reforsa koordenasaun hodi hametin kbiit autoridade munisipál no suku sira, tuir polítika foun Governu nian hodi hakbesik liután atendimentu ba povu.
Iha enkontru ne’e, Diresaun Nasionál Tuteladas sira aprezenta relatóriu progresu no kompromete-an atu aselera servisu sira ne’ebé pendente. Ida ne’e hodi responde lalais ba nesesidade komunidade sira nian iha área desentralizasaun.
#Hotu
#Medi@MAE_2026
