Segunda Feira, 01 Juñu 2026
S.E. Ministru MAE, Tomás do Rosário Cabral hafoin simu S.E. Sekretariu Estadu Defeza ho Nia komitiva hala’o kedas enkontru iha salaun Gabineti MAE.
Remata enkontru, membru governu nasaun rua informa ba públiku kona-ba diskusaun ne’ebé mak parte rua diskuti, mak husi parte MAE nian, S.E. Ministru MAE, Tomás do Rosário Cabral informa katak, diskusaun entre Sekretariu Estadu Defeza ho MAE diskuti kona-ba kooperasaun servisu hamutuk entre Ministeriu Administrasaun Estatal ho Minietériu Defeza Portugal nian ba interese nassun rua, Timor-Leste – Portugal, liu-liu ligado ho arquivo militar Portuguesa iha passadu liu ba.
Iha biban ne’e mos S.E. Ministru MAE informa kona-ba objetivu husi vizita S.E. Sekretáriu Estadu Defeza Portugal nian iha Timor-Leste mak atu marka prezensa iha Simeira ba Comunidade País Lingua Portuguesa, CPLP.
Sekretariu Estadu Estadu Defeza Portugal hateten iha visita mai Timor-Leste atu partisipa iha reuniaun Ministru Defeza CPLP ba dala-25.
Objetivu enkontru ho MAE mak atu Alarga relasaun ba área seluk, liu-liu domíniu militár no buka selebra entendimentu boot hodi Inisia servisu hamutuk kona-ba delimitasaun memórias relasaun entre nasaun rua ligadu ho Arquivo militar Portuguesa nian iha Arquivo Nasional neebe mak presiza dizitaliza dokumentos Arquivo istóriku refere. Reuniaun nee mos fahe informasaun sobre esforsu Governo Timor Leste ba iha implementasaun desentralizasaun no Poder Lokal e modernizasaun servisu Administrasaun Lokal liu husi dizitalizasaun.
Nu-entantu enkontru ne’e hola parte husi delegasaun Portugal nian mak hanesan, Dr. Nuno Pinheiro; S.E Adjunto Polítika Defeza Nasionál, Duarte Bué Alves Embaixadór Portugál iha Díli, Ten-Gen Nuno Lemos Pires – Diretór Jerál Polítika Defeza Nasionál, no parte MAE partisipa sorumutu nee mak Chefi Gabinete MAE, Sr. Benigno H. da Cruz, Diretora Geral Simplifikasaun Modernizasaun Administrasaun Lokál, Maria Goretti Marques Belo, Asssor juridiku MAE, Nuno Machado Reis.
#Hotu
#Medi@MAE_2026
