02 Juñu 2026
Loron Tersa-Feira, S.E. Ministru MAE, Tomás do Rosário Cabral Partisipa diskusaun espesialidade no votasaun Final Globál iha Parlamentu Nasionál.
Votasaun iha Plenária aprova ona Proposta Lei Orsamentu Retifikativu ba Ministeriu Sira, ho Aprovasaun ida-ne’e reflete kompromisu Estadu atu halo ajustamentu orsamental tuir prioridade nasionál no nesesidade emerjente sira ne’ebé mosu durante implementasaun OJE 2026.
Iha votasaun final global, votu afavor 42, kontra 0, abstensaun 23, husi membru deputadu 65 presente iha PN, Iha okaziaun ne’e, S.E. Primeru-Ministru, Kay Rala Xanana Gusmão, espresa Governu nia agradesimentu ba membru PN sira nia konfiansa ba Governu.
Primeiru-Ministru iha Nia afirmasaun katak, alokasaun orsamentál sei orienta tuir prioridade nasionál ne’ebé Governu planeia ona ba bem-estar povu Timor-Leste.
Perante diskusaun husi jeneralidade to’o ba espesialidade hodi hetan aprovasaun final global, S.E. Ministru hamutuk ho membru governu MAE, partisipa hodi fó intervensaun ba defende orsamentu Ministeriu nian hodi garante alokasaun orsamentál MAE nian hodi responde ba prioridade iha setór importante sira hanesan implementasaun ba poder lokál no prioridade sira seluk.
#Hotu
#Medi@MAE_2026
