10 Juñu 2026
Kuarta Feira, semana ne’e, S.E. Ministru MAE, Tomás do Rosário Cabral, hetan onra konvite husi S.E. Embaixador Portugal nian iha Dili hodi partisipa iha serimonia resesaun, ba komemora loron Portugal, Camões no komunidade Portuguêsa sira, ne’ebe realiza husi Embaixada Portugal iha (EPD) Balide.
Loron Nasionál Portugál nian ne’e Selebra iha dia 10 Juñu tinan-tinan atu fó omenajen ba poéta bo’ot Luís de Camões no ba timor-oan sira hotu ne’ebé ko’alia portugés iha mundu.
Loron istoriku ne’e S.E. Ministru MAE hetan mos onra nudar konvidadu husi S.E. Embaixadór Portugál iha Dili, Duarte Bué Alves, hodi hola parte iha Loron Portugál, Camões no Komunidade Portugés sira.
Loron nasionál Portugal nian ne’e, hetan partisipasaun maximu husi orgaun soberanu Estadu nian hanesan S.E. Prezidente Repúblika, Dr. José Ramos Horta, S.E. Prezidente Parlamentu Nasionál, Dra. Fernanda Lay, membru Governu, Embaixadores, no S.E. Secretaria Estadu Negosiu Estranjeiru no Kooperasaun Portugal nian, Dra. Ana Isabel Marques Xavier hamutuk ho Entidades Importante sira, no estudantes.
#Hotu
#Medi@MAE_2026
