19 Juñu 2026
Sexta feira semana ne’e, S.E. Ministru MAE, Tomás do Rosário Cabral, fó pose ba kargu Administrador Postu nain rua no Diretur servisu Saúde munisìpiu Bobonaro iha salaun VIP MAE.
Emposado nain tolu ne’ebé simu pose husi S.E. Ministru MAE mak hanesan, Administrador Postu Administrativu Loré, Administrador Postu Administrativu Fatululic no Diretur servisu saúde munisipiu Bobonaro.
Iha okaziaun ne’e, S.E. Ministru afirma katak, APA sira nia dever mak atu apoiu PAM sira no hare populasaun nia kondisaun moris hodi relata mai PAM atu halo planu nune’e Governu bele kontinua hadia kondisaun populasaun sira nian iha baze.
Ba Diretór Saúde, S.E. Ministru husu atu hatudu Prestasaun servisu saúde iha baze presiza apoiu másimu ba Populasaun depende ba servisu husi Diretur saúde nian, no profisionalizmu mak segredu atu garante atendimentu ho kualidade, no Ami konta ho Ita-Bo’ot nia kolaborasaun, afirma Ministru.
Iha okaziaun ne’e, S.E. Ministru MAE hato’o
mos agradesementu ba familia empozado sira ba sira nia autorizasaun bele oferese sira nia familia hodi ba servi komunidade no populasaun sira iha nivel baze.
Iha oportunu ne’e mos S.E. Ministru MAE, hato’o agradesementu ba komisaun ne’ebé bele realiza serimónia ne’e, hodi nune’e empozado sira bele simu tomada de pose.
#Hotu
#Medi@MAE_2026
