Iha loron 13 Outubro 2015, Sua Excia Vice Ministru Administrasaun Estatal, Senhor Tomás do Rosário Cabral, partisipa iha Terseiru Forum Nasional nebe hala’o husi Polisia Nasional Timor Leste liu husi progresu Polisiamentu Komunitário nebe organiza husi Departamentu Polisiamentu Komunitario Nasional hamutuk ho parseiru sira hodi halo Forum Nasional ho tema ” Progresu no dezafiu Implementasaun Viziibilidade Envolvimentu Profesionalismo (VEP) iha Timor-Leste” .
Objectivu husi forum Nasional ba datolu nebe realiza iha Munisipiu Baucau maka hanesan atu bele hatene no fahe informasaun kona ba dezafius, solusaun no progresu atividades ba implementasaun programa hirak nebe sai hanesan programa prioridade Polisia Nasional Timor-Leste hodi hetan informasaun no orientasaun politika husi orador sira bazeia ba tema ida-idak no mos troka informasaun liu husi diskusaun hodi hato’o dúvidas / perguntas husi partisipante sira ba preukupasaun nebe iha atu nune’e bele sukat kapasidade implementasaun no kompriende klean liu tan programa polisiamentu komunitario no hatene kona ba VEP (Vizibilidade Envolvimentu Profesionalismo).
Iha biban ida ne’e Sua Excia Vice Ministru Administrasaun Estatal, Senhor Tomás do Rosário Cabral, halo aprezentasaun ba partisipante sira kona ba papel konselhu suku no nia kooperasaun ho PNTL / polisiamentu komunitário tuir lei aktual lideransas komunitárias no nia kompetência hosi polisiamento komunitário hodi hare ba paz no estabilidade.
Forum Nasional ba datolu ne’e hetan partisipasaun mai husi reprezentante Presidente KPK no OPS suku 123 nebe estabelese ona KPK (Konselhu Polisiamentu Komunitario), KDD (Konselhu Directiva Distrital) mai husi 11 Munisipiu, Administrador Munisipiu 12 no inklui Komandante PNTL Munisipiu Oé-Cússe no Lautém no mos parseiru relevante sira.
