Iha loron 16 October 2015, tuku 09:00 dader to’o remata, iha salaun VIP – MAE, Komisaun Organizadora Nasional liu husi S.E Vice Ministru Administrasaun Estatal, Senhor Tomas do Rosario Cabral, konvoca soromutu ho Senhor Director Geral husi Ministerios / Secretarias de Estado nebe hetan nomeasaun ba Munisipius no Senhor Administrador Munisipiu 12 hodi koalia konaba Serimonia Komemorasaun 28 de Novembro 2015, Tinan hat nolu Proklamasaun Independensia Nasional no Komemorasaun tinan atus lima Sivilizasaun rua hasoru malu.
Objectivu husi soromutu ne’e atu tau hamutuk ideas no sujestaun ba preparativus iha loron 28 Novembro 2015 nebe maka sei realiza iha Administrasaun Munisipiu Dili, soromutu ne’e hetan partisipasaun husi Director Geral husi Ministeriu ou Secretaria de Estado sira, Administrador Munisipiu 12, ADN no Funsionariu sira. Depois de soromutu ne’e remata S.E Vice Ministru kontinua fali enkontru ho emprezario sira hodi kolia konaba oinsa sira nia preparasaun ba Serimonia Komemorasaun 28 de Novembro 2015 liu-liu iha Munisipiu Dili.
