Iha Loron 1 Dezembro 2015, Ministerio Administrasaun Estatal, realiza serimonia Içar da Bandeira nebe maka prezide husi S.E Ministro da Administrasaun Estatal, Senhor Deonisio Babo Soares, iha biban ida ne’e S.E Ministro iha nia diskursu badak kolia kona ba VI governu nia mandatu hahu hosi dia 16 de Fevereiro de 2015, Maneira ke ita tenki ser servisu efeitivu iha fulan 10 nia laran.
Iha premeiru Anu iha fulan 10 nia laran, ita nia objektivu prinsipal fahe ba aspeitu rua. Ida ba konsiligasaun interna Ministeriu nian, segundo ba konsiligasaun ou ligasaun servisu hamutuk ho Institusoens seluk nebe maka hamutuk iha mahun ida ne´e iha Administrasaun Publika atu bele buka tok maneira oinsa ita komesa halo reforma.
Iha konsiligasaun interna Ministerio Administrasaun Estatal konsege alkansa buat lubuk ida, premeiru ita konsege re-organiza didiak fila fali atu konseliga hosi parte organizasaun estrutura Ministeriu nian rasik liliu iha aspeitu funsional.
segundo husi parte Administrativa nebe ita tenta atu hadia fila fali ou ajusta fila fali ba gep oan sira nebe maka nakonu ho buat sira nebe ezisti, liliu iha aspeitu finansial hodi hare kestoens sira nebe ita sidauk rejolve ou husik iha fulan antes de VI Governu tama iha nia mandatu.
mais aspeitu organizasaun ne´e rasik tenta mos atu tradus buat lubuk ida, maibe seidauk hotu pro ezemplu degenha tiha planu estrategiku to’o ohin loron ita sidauk hotu.
segundo atu formaliza ita nia espior ou manual laboral Ministerio nian komesa tiha ona, ezekuta tiha ona mais sidauk aplika. Ne´e sai hanesan servisu bo’ot i todan ida mai ita ba iha 2016.
terseiru hosi aspeitu responsabilidade finanseiru, ita agora konsege atinzi tiha ona 90% hosi ita nia gastus, hosi dadus ikus liu nebe mak hau hatene ho nune’e mostra katak kuaze hot-hotu dezempenhu nia funsaun nebe diak teb-tebes hatene halo tuir regras i ezekuta ho diak ho aspeitu rua nebe mak ita kontempla iha ezekusaun orsamentu tinan ida ne´e, premeiru iha orsamentu kuantidade rasik, segundo iha kualidade.
Serimonia Içar da Bandeira ne’e partisipa husi Director Gerais, Director Nasionais no Funsionario sira. 