Vise Ministru no Ministru Interiñu MAE, Abilio José Caetano,MM. Hala’o inagurasaun projetu be’e mós ba Komunidade Suku Atara, Postu Administrativu Atsabe, Munisipiu Ermera, iha loron sesta 14/02/20.
Ministério da AdministraÇão Estatal (MAE) , liu husi Programa Nacional Desenvolvimento Suco (PNDS) realize projeitu Bé mós hodi fasiilita ema rihun ida atus sia (1900) iha posto Atsabe, Municipio Ermera.
Kustu husi Projetu ne’e hamutuk $.46 mil dolar amerikanu, projetu ne’e halo mos instalasaun no kanalizasaun be’e mós ba komunidade sira ho distansia kilometru tolu(3).
Maske orsamentu nebe aloka ba projetu ne’e la sufisiente maibe Ministru Interiñu MAE, Abilio José Caetano apresia ho kontribuisaun no servisu husi komunidade sira nian hodi finaliza projetu be’e mos ne’e.
Projeitu be’e mós ne’e, komunidade sira mak sai nain no sira mak sei komsumu be’e mós ne’ebé Governo fasilita, tamba ne’e Ministru Interiñu MAE, Abilio José Caetano husu ba komunidade sira atu kuidadu no tau matan ba manutensaun be’e mós nune’e hodi útil ba tempu naruk.
Hola parte iha programa lansamentu ne’e kargu xefia sira husi nasional, parseiru Internasional husi Australia no Autoridade lokal no Autoridade Munisipiu Ermera.