Lautem, Quarta-Feira, 11 Marco 2026 – S.E.Vise-Ministru Administrasaun Estatál, Jacinto Rigoberto de Deus, hala’o enkontru koordenasaun ho estrutura Prezidente Autoridade Munisípiu Lautem Sr. Mélio de Jesus SH hodi halo preparasaun ba vizita ofisiál husi S.E. Primeiru-Ministru, Kay Rala Xanana Gusmão.
Durante enkontru, Vise-Ministru subliña importánsia husi preparasaun ne’ebé di’ak no organizadu, hodi destaka katak Primeiru-Ministru nia vizita ne’e nu’udar Avaliasaun Kondisaun Mínima iha tinan ne’e, hodi hare munisípiu ida ne’ebé mak bele ona simu poder lokál ne’ebé tuir planu sei realiza iha tinan oin.
Vise-Ministru mós enkoraja Autoridade Munisipál Lautem nian atu aproveita oportunidade di’ak husi vizita Xefe Governu nian, hodi halo preparasaun ida ho di’ak, tamba liu husi vizita ne’e mak sei deside munisípiu ida-idak nia kapasidade, liu-liu iha preparasaun hodi haka’at ba poder lokál.
Enkontru ne’e marka mós prezensa husi Diretur Nasionál sira Ministériu Administrasaun Estatál nian, Diretur Servisu Munisipál sira, Komandante PNTL Munisípiu Lautem no Funsionáriu sira.
Hafoin remata enkontru, Vise-Ministru hamutuk ho ekipa husi nasionál, akompaña husi PAM ho nia estrutura halo mós observasaun Hodi Hare Edifisiu Diresaun Nasionál Transporte no Terrstre (DNTT) Munisípiu Lautém, Edifisiu Balkaun Uniku (BU),Rezendencia PAM.
#Remata
#Medi@Mae_2026
