Sexta-feira, 13 Marsu 2026 – S.E. Ministru Administrasaun Estatal, Tomás do Rosário Cabral, konvoka reuniaun ikus ho kargu Diretores Gerais no Nasionais MAE ba preparasun visita munisipiu sira parte Leste nian hodi hare besik servisu Munisipál ba preparasaun avaliasaun kondisaun minima iha Munisipiu tolu mak hanesan, Lautem, Baucau no Viqueque.
Reuniaun ne’e mos foka liu Kona-ba servisu ekipa tékniku sira nia preparasaun ba inaugurasaun Balkaun Úniku Lautem nomos Balkaun Úniku Viqueque ne’ebe sei inaugura iha semana ne’e.
S.E. Ministru Administrasaun Estatal, Tomás do Rosário Cabral orienta mos ba ekipa servisu tékniku Ministériu Administrasaun Estatál nian atu halo kordenasaun no preparasaun ho diak ho Munisípiu sira relasiona ho vizita servisu husi S.E. Primeiru Ministru Kay Rala Xanana Gusmão mak sei tun direta hodi hare besik preparasaun munisípiu sira no halo mos avaliasaun ba kondisaun Minima munisipiu tolu, Lautem, Baucau no Viqueque iha semana ne’e fulan Marsu.
#Remata
#Medi@Mae_2026
