20 Maiu 2002 — 20 Maiu 2026
“Hamutuk Ita Sei Konstrui Pátria Ida Ne’ebé Justu Liu, Inkluzivu no Reziliente”
Ba kalan ikus nian, husi animasaun konsertu muzikál durante kalan ha’at iha Prasa Tasi-Tolu, termina ho enseramentu husi Presidenti Komisaun Organizadora, S.E. Ministru MAE, Tomás do Rosário Cabral akompaña mos ho membrus komisaun.
Iha enseramentu ba kalan konsertu no feira nasionál, Presidenti Komisaun Organizadora, lori governu no Komisaun Organizadora nia naran hakarak hato’o agradese wain ba espesial ba jovens, nomos komunidade sira iha Dili ne’ebé hola parte iha selebrasaun 24 aniversáriu ba festa 20 de Maiu restaúrasaun Independensia Timor-Leste.
Presidenti K.O. hatutan liu tan komemorasaun 24 anos restaurasaun Independensia Timor-Leste ba tinan ne’e mezmu hasoru dezafiu, maibe mos iha dezenvolvimentu ba povu. Iha biban ne’e mos Presidenti Komisaun hato’o agradese wain ba PAM sira iha munisipiu, servisu siguransa, F-FDTL no PNTL bele tau orden durante kalan ha’at atividade sira bele la’o ho diak ho situasaun trankilu no Paz.
Agradese mos ba grupo oi-oin husi artista sira no banda muzikál sira bele kontribui imi nia talentu liu husi muzika khas timor nian, bele anima joven barak no komunidade sira hodi partisipa maximu iha selebrasaun festa aniversáriu ba loron restaúrasaun Independensia bele la’o ho diak, afirma Presidenti Komisaun, Tomás do Rosário Cabral hodi ofisializa taka feira nasionál no konsertu muzikal iha kalan ikus nian loron 20 Maiu 2026 iha Prasa Tadi-Tolu Dili.
#Hotu
#Medi@MAE_2026
