15 Juñu 2026
Segunda feira, semana ne’e, Komisaun Organizadora parte Governu hala’o observasaun direta ba iha terrenu hanesan Mehara, Lautém no Manatuto hodi observa progresu konstrusaun ba rezidensia Parókia Manatuto.
Observasaun iha terrenu nota katak prosesu konstrusaun la’o hela, no obra refere sei hotu iha tempu badak hodi entrega ba Autoridade igreja Munisípiu Manatuto.
S.E. Ministru MAE ho ekipa kontinua vizita ba Ponte Ribeira de Laclo, Obra estratéjika ne’ebé sei atribui naran; Mong. Martinho da Costa Lopes, tuir Rezolusaun Governu sei aprova iha tempu badak.
Nu-entantu iha tempu hanesan ekipa Komisaun Organizadora husi parte Governu kompostu husi MAE, ADN halo mos observasaun ba iha monumentu Saudozo Mong. Martinho da Costa Lopes iha Mehara, fatin sorumutu entre Komandante Em Xefe das Falintil atual S.E. Primeiru Ministru Kay Rala Xanana Gusmão iha tinan 1982 liu ba, no observasaun iha terrenu kontrusaun ne’e atinji ona porsentu,(46) husi totál obra. no Komisaun Organizadora husu atu aselera servisu konstrusaun ne’ebé halo hela iha terreno.
Ekipa mos hala’o observasaun ba fatin konstrusaun plaka ba Soldadu Tomás Fernandes ida ne’ebé hetan tiru no lakon vida iha loron hanesan wainhira Komandante Em Chefi Falintil atuál S.E Primeiru Ministru, hasoru malu ho Mong. Martinho da Costa Lopes iha rezidensia liurai Miguel dos Santos iha Mehara.
Ekipa K.O. parte MAE no ADN orienta mos ba Empreza ne’ebé hala’o obra ne’e atu bele hahu hamos (clearance) iha terrenu hodi bele hahu konstrui ona plaka omenajem ba Saudozo refere hodi bele prontu iha tempu badak nia laran.
#Hotu
#Medi@MAE_2026
