17 Juñu 2026
Kuarta feira, semana ne’e, Komisaun Organizadora ba Servisu hamutuk Preparativu Transladasaun Restus Mortais Preladu Timor-oan husi Portugál mai Timor-Leste hala’o observasaun no identifikasaun ba corés no modelu fatuk mármore iha fatin produsaun mármore Behau, Postu Administrativu Laclo, Munisípiu Manatuto.
Ekipa konjunta ne’e kompostu husi reprezentante Governu no Igreja Katólika. Vizita ne’e ho objetivu atu observa kualidade no kuantidade fatuk mármore lokál ne’ebé sei utiliza ba konstrusaun kampadu omenajen ba restus mortais Saudozo Preladu na’in-3: Dom Jaime Garcia Goulart, Dom José Joaquim Ribeiro, no Mong. Martinho da Costa Lopes, no Dom Alberto Ricardo da Silva, ne’e sei halo’ot hamutuk iha igreja Katedral Dili.
Utilizasaun rekursu lokál hanesan mármore Behau refleta kompromisu Governu nian atu valoriza produtu nasionál no promove ekonomia lokál iha ámbitu preparasaun seremónia Estadu no Kreda nian ba transladasaun restus mortais husi Portugal mai Dili.
#Hotu
#Medi@MAE_2026
