LISBOA, 26 JUÑU 2026, Ministru Administrasaun Estatal, Tomás do Rosário Cabral hala’o sorumutu ho Ministru Administrasaun Interna Luís Neves ne’ebé akompaña mos husi Sekretáriu Estadu Adjunto Administrasaun Interna, Paulo Simões Ribeiro no Sekretáriu Estadu da Protesaun Civil, Rui Rocha,hodi reafirma lasu amizade, kooperasaun no konfiansa entre nasaun rua.
Reuniaun ne’ebé mak realiza iha edifisiu Ministériu Administrasaun Interna, iha Praça Komérsiu-Ala Oriental, hanesan kontinuasaun reuniaun tinan hirak liu ba neebe kontinua hatudu pozisaun Governu Timor-Leste nian ne’ebé firme atu reforsa lasu amizade entre nasaun rua, partikularmente iha área Administrasaun Eleitorál ne’ebé konsidera esensial tebes ba konsolidasaun Estadu Direitu Demokrátiku ba fortalesimentu Instituisaun hodi garantia prosesu eleitorál ne’ebé mak livre, justu no transparansia.
Iha introdusaun husi Ministru Administrasaun Estatal informa katak hanesan kuiñesimentu husi Exelénsia Ministru, oras ne’e Timor-Leste iha esforsu signifikativu hanesan sentidu ba melhoria organizasaun no jestaun iha prosesu eleitorál, ne’ebé atualmente iha faze ba preparasaun ba reforma lei eleitorál ne’ebé mak moderna, inkluziva no aliña ho prátika internasionál.
Hare ba asuntu pertinente rekuiñese esperiensia nasaun Portugál nian iha área Administrasaun Eleitorál no komprova ho kapasidade téknika, no bele tau importansia ba susesu husi inisiativa ida ne’e, Timor-Leste bele konta ho apoia administrasaun Eleitoral Portuguesa nian.
Depois sorumutu kontinua ho asinatura kooperasaun foka liu ba organizasaun setór administrasaun, jestaun ba prosesu eleitoral, hanesan intrumentu ida ba aprofunda koolaborasaun institusional, promove no partilha kuñesimentu tékniku, reforsa kapasidades nasaun rua nian iha area esensial nee ba fortalesimentu instituisaun Demokrátika.
Akordu kooperasaun representa passo signifikativa no aprofunda relasaun entre nasaun Portugal no Timor-Leste, liu husi reforsa kooperasaun bilateral no kompromisu komum ba iha prosesu eleitoral transparentes, efisientes ba sidadaun sira.
Reuniaun no serimonia asinatura akordu kooperasaun nee akompanhia mos husi Embaixador Timor Leste iha Portugal, Manuel António Aráujo Serrano, Konselleiru Embaixada, Liborio Pereira, no ekipa Ministériu Administrasaun Estatal.
#Hotu
#Medi@MAE_2026
