DÍLI — Diresaun Jerál Desentralizasaun no Governu Lokál (DJDGL), hamutuk ho Autoridade Munisipál Liquiçá, Diresaun Nasionál Apoiu Implementasaun Planeamentu no Dezenvolvimentu Integradu (DNAIPDI), no Diretór Munisipál PDIM sira, simu ofisialmente Relatóriu Vizita Fatin husi ekipa Servisu Supervizaun Konsultór, iha loron Tersa-Feira, 30 Juñu 2026.
Relatóriu foun ne’e kobre de’it levantamentu dadus husi servisu konsultór nian iha terenu kona-ba fatin/rai ne’ebé planeia ona ba konstrusaun Edifísiu Administrasaun foun Assembleia Munisipál iha Autoridades Munisípiu haat: Aileu, Ermera, Liquiçá, no Viqueque. Tuir verifikasaun foun iha terenu, edifísiu sira ne’e seidauk hala’o konstrusaun fíziku ida.
Objetivu Prinsipál husi Planeamentu Konstrusaun Edifísiu Foun Haat (4)Ne’e: • Prepara ba Podér Lokál: Hadi’a kondisaun infraestrutura ne’ebé adekuadu hodi simu implementasaun desentralizasaun administrativa iha baze.
• Fatin ba Foti Desizaun: Kria sala adekuada ba membru Assembleia Munisipál sira hodi hala’o sorumutuk, debate, no foti desizaun polítika ba interese lokál.
• Hakbesik Estadu ba Povu: Lori podér Estadu nian besik liután ba komunidade iha área rurál no hadi’a kualidade atendimentu públiku.
• Haforte Jestaun Lokál: Fasilita serbisu DNAIPDI no PDIM sira hodi halo monitorizasaun fíziku no finanseiru ba projetu dezenvolvimentu hotu ho transparente no akuntável.
DJDGL hatete katak serbisu levantamentu dadus no supervizaun ba fatin ne’e importante tebes. Pasu ne’e foin kobre estudu ba kualidade rai no planu fatin, hodi garante katak buat hotu la’o tuir padraun tékniku ne’ebé Governu defini ona antes konstrusaun fíziku bele hahú iha futuru.
#Hotu
#Medi@MAE_2026
