DÍLI, 02 Jullu 2026— Sua Exelénsia Ministru Administrasaun Estatál Em Ezersísiu, Jacinto Rigoberto Gomes de Deus, kovoka reuniaun ho Diretór-Jerál no Diretór Nasionál sira hotu iha Salaun VIP Ministériu Administrasaun Estatál, MAE, Caicoli.
Objetivu husi reuniaun ne’e mak atu Fó atualizasaun kona-ba progresu implementasaun serbisu sira ne’ebé realiza ona durante Semestre Dahuluk Tinan 2026; no Diskute planu no prioridade sira atu implementa iha Semestre Daruak.
S.E. Ministru Em Ezersísiu subliña importánsia koordenasaun no kolaborasaun entre diresaun sira hotu, ne’e importante atu garante katak programa no atividade hotu-hotu la’o ho di’ak no tuir planu ne’ebé IX. Governu estabelese ona ba Tinan 2026.
Reuniaun ne’e remata ho kompromisu husi Diretór-Jerál sira no Diretór Nasionál sira atu kontinua hametin koordenasaun no kolaborasaun institusionál. Kompromisu ne’e hodi garante implementasaun programa prioridade MAE nian iha Semestre Daruak Tinan 2026 la’o ho efisiente, efetivu, no atinje rezultadu ne’ebé kualidade.
