Dili, 08 de Jullu de 2026–Diretór-Jerál Desentralizasaun no Governu Lokál (DGDGL),Sr. António Augusto Guterres, sai nudar oradór prinsipál iha Formasaun Obrigatoriu Lideransa Senior Fase II Tinan 2026, ne’ebé hala’o iha Salaun INAP, Kuarta-feira semana ne’e.
Iha biban ne’e, DG-DGL, Sr. António Augusto Guterres,, aprezenta no fahe informasaun importante kona-ba matéria ho títulu “Papel Lideransa iha Desentralizasaun Hasoru Mudansa Globalizasaun”. Materia ne’e foka liu ba oinsá lideransa lokál sira bele nafatin jere dezenvolvimentu iha baze hodi hasoru dezafiu no mudansa sira ne’ebé mai de’it husi mundu globalizasaun nian.
Iha ninia esplikasaun, DG-DGL, Sr. António Augusto Guterres,, haktuir katak kbiit lideransa nian iha prosesu desentralizasaun sai xave importante de’it ba kualidade servisu administrasaun nian. Mudansa teknológia no iha areia globalizasaun ezije lider sira iha kbiit boot atu adota inovasaun, no foti desizaun ne’ebé loos no lalais hodi servi komunidade ho di’ak liután.
Formasaun ne’e hetan partisipasaun másimu husi kargu xefia sira husi Munisipius, no mós husi instituisaun Estadu nian, ne’ebé mai ho objetivu atu hametin kbiit no vizaun estratéjiku hodi lori dezenvolvimentu ba oin.
#Hotu
#Medi@MAE_2026
