DILI,20 de Julho 2026
S.E. Ministru Administrasaun Estatal, Tomás do Rosário Cabral, Prezide reuniaun ho ekipa Komisaun ba Avaliasaun Da-ruak nian ba Kondisaun Mínima iha Munisípius liu husi Despaxu No. 41/GM-MAE/VII/2026.
Desizaun ne’e foti hodi bazeia ba Rezolusaun Governu No. 6/2025, ne’ebé prevee avaliasaun sidade hodi determina fatin ba hari’i autoridade governu lokál nian, nune’e mós atu asegura konsolidasaun ba prosesu desentralizasaun administrativa iha Timor-Leste.
Estrutura foun ne’e lidera husi Ministru Administrasaun Estatál no kompostu husi membru na’in 4:
1. Sr. António Augusto Guterres, Diretór-Jerál Desentralizasaun no Podér Lokál – DG-DPL
2. Sra. Maria Goretti Marques Belo, Diretora-Jerál Simplifikasaun no Modernizasaun Administrasaun Lokál – DGSMAL
3. Sr. Virgílio da Costa, Diretór-Jerál Dezenvolvimentu Lokál – DGDL
4. Dr. Nuno Machado Reis, Asesór Jurídiku MAE
Komisaun ne’e sei iha responsabilidade hodi prepara metodolojia servisu, oráriu atividade, no monitoriza ekipa sira iha kampu hodi halibur dadus ne’ebé konfiável kona-ba kbi’it institusionál, finanseiru, no operasionál husi munisípiu sira.
Ekipa Servisu ba Avaliasaun Kondisaun Mínima – AKM ba Munisípius hetan orientasaun direta husi S.E. Ministru MAE, ho objetivu atu koordena no distribui responsabilidade operasionál sira ba inísiu servisu importante ne’e.
#Hotu
#Medi@MAE_2026
