Iha loron 17 Novembro 2015 Vice Ministro Administrasaun Estatal, Senhor Tomas do Rosario Cabral, partisipa soromutu nebe maka halo husi Ministerio Turismo Arte no Cultura, iha Salaun Encontro Centro Convençõen Dili. Iha soromutu ne’e S.E Ministro do Turismo, Artes e Cultura, Senhor Francisco Kalbuady Lay, kolia konaba Atividade hotu-hotu nebe maka Ministerio Turismo prepara ba loron komemorasaun liu-liu iha Oecusse no Munisipio Dili tamba ne’e Ministerio Turismo sei konvida Artista Nasional no Internasional sei mai anima ita nia povu sira iha loron refere. Iha oportunidade ne’e S.E Vice Ministro Administrasaun Estatal, Senhor Tomas do Rosario Cabral, hato’o mos atividades nebe maka durante ne’e Munisipio Dili prepara ba loron 28 November iha Tasi Tolu.
Soromutu ne’e hetan partisipasaun husi Director Gerais, Director Nasionais, Grupo Banda Musica no Funsionario sira.
