MANUFAHI, Segunsa-Feira, 09 Marsu 2026—Sua Exelénsia Ministru Administrasaun Estatal, Tomás do Rosário Cabral, akompaña Primeiru-Ministru (PM), Kay Rala Xanana Gusmão, haree direta implementasaun programa merenda eskolár iha Eskola Colégio São Miguel Arcanjo (COSAMAR), postu administrativu Same, munisípiu Manufahi.
PM Xanana ho komitiva hala’o observasaun ne’e hafoin “Haree besik servisu munisipál hosi rezultadu avaliasaun bá kondisaun mínima” iha munisípiu Manufahi.
Aleinde ne’e, Xefe Governu ho komitiva hala’o vizita bá sentru viveiru ikan ne’ebé lokaliza iha suku Letefoho, postu administrativu Same.
Primeiru-Ministru hala’o kolleta bá ikan ne’ebé haki’ak iha sentru ne’e husi populasaun no daudaun fa’an bá komunidade. Sentru viveiru ikan ne’e estabelese hosi Ministériu Agrikultura, Pekuária, Peskas no Floresta (MAPPF) ho orsamentu $41,934.20 ne’ebé responsabiliza hosi empreza lokál Sealeloerfa Unipessoal Lda iha tinan 2025.
Membru Governu sira ne’ebé akompaña Xefe Governu iha vizita ne’e mak Ministru Planeamentu no Investimentu Estratéjiku (MPIE), Gastão Francisco de Sousa, Ministra Saúde (MS), Elia dos Reis Amaral, Ministru Agrikultura, Pekuária, Peskas no Floretas (MAPPF), Marcos da Cruz, Sekretáriu Estadu Komunikasaun Sosiál (SEKOMS), Expedito Dias Ximenes, inklui Prezidente Autoridade Munisípiu Manufahi, Luís Luís Marçal da Costa Tavares.
#RemataMedi@Mae_2026
