11 de Maiu 2026.
Segunda Feira, oras lokraik, S.E. Ministru MAE, Tomás do Rosário Cabral simu Vizita kortezia ida husi S.E. Primeru-Ministru, Kay Rala Xanana Gusmão, hodi atualiza Informasaun sira Kona-ba Preparasaun ba komemorasaun 20 de Maiu, no Preparasaun Transladasaun restos mortais Bispo nain tolu husi Portugal mai Timor-Leste iha fulan Setembru tinan ne’e.
S.E. Ministru MAE, Tomás do Rosário Cabral atualiza progressu preparasaun bá Komemorasaun loron Restaurasaun Independénsia Repúblika Demokrátika Timor-Leste 20 de Maiu nian bá dala-(24) ba S.E. Primeru-Ministru KayRala Xanana Gusmâo iha edifísiu MAE Caicoli.
Atualizasaun ne’e inklui preparasaun hotu-hotu ne’ebé Komisaun Organizadora (KO) halo liga ho ajenda importante sira iha serimónia ofisiál ne’e.
Aproveita mós hodi atualiza bá Xefe Governu kona-bá progressu preparasaun hosi Igreja ho Governu atu halo transladasaun bá restus mortais Bispu Timoroan sira hosi Portugal neʼebé sei hala’o iha fulan Setembru tinan ne’e.
Hafoin remata reuniaun ho S.E. Ministru MAE, S.E. PM KayRala Xanana Gusmão kontinua ba Tasi-Tolu hodi observa preparasaun ba komemorasaun loron restaurasaun 20 de Maiu ne’ebé sei realiza iha fulan Maiu tinan ne’e.
Observasaun husi S.E. Primeru-Ministru no hetan mos akompañamentu husi S.E. Ministru MAE atu asegura katak preparasaun hotu-hotu la’o tuir planu no prontu ba serimoña nasionál ne’ebé sei hala’o iha fatin refere.
Iha oportunidade ne’e, ekipa tékniku no komisaun organizadora atualiza mos ba Xefi Governu, kona-ba dezenvolvimentu servisu sira iha terenu, inklui montajen estrutura prinsipal, arranju espasu, sistema seguransa, limpeza no preparasaun lojístika seluk.
#Hotu
#Media@Mae_2026
