Dili, 29 Maiu 2026 – Parlamentu Nasionál (PN) hala’o diskusaun bá Orsamentu Retifikativu (OR) tinan 2026 ho montante millaun $192 iha faze espesialidade.
Diskusaun ne’e marka prezensa hosi Sua Eselensia Primeiru-Ministru (PM), Kay Rala Xanana Gusmão, Akompaña hosi Sua Eselensia Ministru Administrasaun Estatal, Tomás do Rosário Cabral hamutuk ho membru IX Governu Konstitusionál inklui Prezidente Autoridade Munisipal.
Orsamentu retifikativu ne’ebé Governu aprezenta ho montante millaun $192, hodi assegura situasaun iha rai laran relasiona ho impaktu hosi funu Médiu Oriente.
Nune’e, Governu prevé medida hitu ne’ebé sai prioridade hodi garantia seguransa enerjétika no segurança alimentár iha país.
Medidas hirak ne’e mak hanesan: Sosa kombustível bá rezerva nasionál, Subsídiu kombustível, Seguransa alimentár, Segurança nasionál bá rekrutamentu 400 kadetes PNTL, Despeza prezidénsia CPLP, Reforsu kapasidade administrativa no operasionál Rejiaun Administrativa Espesiál Oecusse Ambeno (RAEOA) no Reforsu rezerva kontijénsia.
Diskusaun faze espesialidade kontinua to’o loron 2 fulan-Juñu, ne’ebé kulmina iha votasaun jerál finál bá alterasaun da-huluk bá Lei Númeru 8/2025 hosi loron 27 fulan-Novembru.
.
#Hotu
#Medi@MAE_2026
