Baucau, 7 de Julho 2026
S.E. Vise-Ministru no Ministru MAE em Exercísiu, Jacinto Rigoberto Gomes de Deus, halo abertura ba Formasaun Integradu ba Autoridade Munisipál sira iha Munisípiu Baucau.
Programa formasaun ne’e akompaña mós husi DG-DGL Antonio Augusto Guterres no PAM Baucau, Sra. Veneranda Lemos Martins.
Progresu IX Governu Konstitusionál nian durante nia mandatu tinan 3, Governu konsegue alkansa progresu signifikativu iha Munisípiu. Mákina governu iha nivel munisipál la’o di’ak, servisu iha suku sira mós alkansa ona. Ida-ne’e fó susesu ba dezenvolvimentu lokál.
Aprezu ba mudansa iha baze Mudansa ne’ebé akontese iha nivel baze durante tinan 3 hatudu katak serbisu autoridade sira iha baze di’ak no maka’as. Maibé ne’e de’it seidauk to’o ba planu, programa no mehi Governu nian, liu-liu husi S.E. Primeiru-Ministru Kay Rala Xanana Gusmão nian ba povu no rai ida-ne’e.
Importánsia Rekursu Umanu no Formasaun, Prioridade Governu nian maka kapasitasaun ba rekursu umanu. Maske ita ko’alia buat hotu, se rekursu umanu fraku, buat seluk sei la la’o. Formasaun importante atu fahe esperiénsia ba subordinadu sira, atu hotu-hotu iha koñesimentu. Munisípiu sira hotu hakarak sai Poder Loká tuir planu Governu Sentral.
Dezafiu ba Munisípiu sira mak hetan klasifikasaun “Muito Bom” la’ós automaticamente atu avansa. Primeiru-Ministru sei mai vizita Munisípiu hotu iha 20 de Maiu. Relatóriu husi DG sira hatudu katak ezekusaun Orsamentu Munisípiu nian a’as liu kompara ho Ministériu sira. Maibé asuntu importante hanesan Kapitál Menor no Kapitál Dezenvolvimentu sei zero. Ne’e problema.
Tan ne’e planeamentu no aprovizionamentu presiza tau konsiderasaun. Projetu ki’ik mós presiza kualidade.
Formasaun ne’e importante atu asegura imi-nia koñesimentu, lideransa no knar iha instituisaun. Susesu mai husi serbisu ho ekipa. Atu nune’e Poder Lokál bele lori imi-nia munisípiu ba oin, la’ós hein de’it apoiu husi Nasionál.
Ministro husu ba DG-DGL no DG-SMAL atu formasaun sira hanesan ne’e kobre Munisípiu hotu. Tanba aban bainrua imi sei partilla imi-nia koñesimentu ba munisípiu sira seluk. Tuir formasaun ho másimu.
Nune’e mos husi DG-DGL Antonio Augusto Guterres afirma katak, objetivu husi formasaun ida-ne’e atu hasa’e ita-boot sira nia koñesimentu iha nivel rejionál, hametin kooperasaun, no fahe ba malu esperiénsia ne’ebé imi hetan. Formasaun ne’e sei dura loron 4 hahu husi tersa feira to’o sesta feira semana ne’e.
#Hotu
#Medi@MAE_2026
