AILEU, 28 Julho 2026.
Lansamentu fatuk dahuluk ba konstrusaun Salaun Apuramentu STAE, husi S.E. Ministru Administrasaun Estatal, Tomás do Rosário Cabral, akompaña mos husi S.E. SEDL, Mateus dos Santos Tallo hamutuk ho PAM foun munisípiu Aileu tau fatuk da-huluk ba rai kuak nudar simblu ba hahu konstrusaun salaun ba apuramentu munisípiu Aileu nian.
salaun ba apuramentu munisípiu Aileu nian lokaliza iha Suku Aissirimou, Postu Administrativu Aileu Vila.
Konstrusaun ne’e hanesan inisiativa ida ne’ebé importante atu reforsa kapasidade Secretariado Técnico da Administração Eleitoral (STAE), liu husi fornese fatin ida ne’ebé apropriadu ba prosesu apuramentu rezultadu eleisaun no atividade administrativu seluk ne’ebé relasiona ho servisu eleisaun nian.
Iha intervensaun, S.E. Ministru Tomás do Rosário Cabral, afirma, Governu kontinua investe iha dezenvolvimentu infraestrutura públika atu garante servisu estadu ne’ebé di’ak liu, transparente no efisiente.
Governante ne mos subliña katak konstrusaun salaun ida ne’e sei fó apoiu bo’ot ba prosesu demokrátiku iha Timor-Leste, liu-liu iha área apuramentu votus no jestaun administrasaun eleitoral.
Projetu ne’e hanesan parte husi esforsu Governu, liu husi Ministériu Administrasaun Estatál, atu hadia fasilidade públiku no hametin sistema administrasaun eleitoral, atu instituisaun relevante sira bele hala’o sira nia kna’ar ho efikásia no responsabilidade.
Ministro MAE hein katak konstrusaun Salaun Apuramentu STAE iha Suku Aissirimou bele remata tuir planu no sai patrimóniu importante ida atu suporta implementasaun eleisaun sira ne’ebé livre, justu, transparente no kredível iha futuru.
#Hotu
#Medi@MAE_2026
