Aileu—Quarta-Feira, 14 Janeiru 2026—DG-DGL—MAE, Sr. António Augusto Guterres, reprezenta S.E. Ministru MAE, Tomàs do Rosàrio Cabral iha okaziaun distribuisaun Transporte ba Suku sira iha Munisípiu Aileu. Serimonia Distribuisaun Transporte motorizada ba suku foun sira diriji husi DG-DGL, hamutuk ho Diresaun Nasionál rua husi MAE mak hanesan DNAAS no DNGPL
hodi hala’o distribuisaun motorizada ha’at,(4) ba Xefe Suku rua mak hanesan suku Karahili no suku Hurai- raco husi Postu Remexio Munisípiu Aileu.
Iha biban ne’e, DG-DGL, António Augusto Guterres apela ba Xefi Suku sira atu utiliza Transporte sira ne’ebé fornese husi Governu ho kuidadu no responsabilidade hodi servi povu iha baze.
DG-DGL mos haforsa liutan katak Xefi Suku sira eleitu direta husi povu ho nune’e Xefi Suku sira iha mandatu ba tinan hitu hodi utiliza Transporte sira-ne’e durante iha sira nia mandatu. DG-DGL, António Augusto Guterres husu mos ba Xefi Suku sira foin simu motorizada sira ne’e atu uja ho responsabilidade katak, maske ita-boot sira utiliza livre maibé labele halo sirkulasaun livre, afirma DG-DGL
Serimonia distribuisaun Transporte motorizada ba suku foun rua iha resintu Administrasaun Munisípiu Aileu hala’o husi Diresaun Nasionál Apoiu Administrasaun Suku no Diresaun Nasionál Gestaun Patrimoñia Logistika no distribuisaun motorizada sira-ne’e hetan bensaun husi Diaknu Parókia Aileu no akompaña husi
Prezidente Autoridade Munisípiu Aileu João Bosco Dos Santos, Secam Munisípiu, APA husi Postu ha’at no Xefi Suku sira iha Munisípiu Aileu.
#Hotu
#Medi@Mae_2026
