19 juñu 2026
Sexta feira, semana ne’e, Sekretáriu Estadu Asuntu Toponímia Organizasaun Urbana, Germano Santa Brites Dias., prezide reuniaun ida ho diretores nasionál iha MAE hamutuk ho Autoridade Munisìpiu Dili nian iha salaun VIP MAE.
Reuniaun ne’e diskuti kona-ba kordenasaun servisu Municipal, no Supervizaun venda ambulante (Espasu Publiku), servisu estasionamentu, no koleksaun de Lixu iha Munisipiu Dili.
Servisu SEATOU nian baseia ba
Baze Legál sira no Aktu Administrativu Relevante ba Kompeténsia Sekretáriu Estadu Asuntus Toponímia no Organizasaun Urbana (SEATOU) maka hanesan, Despaxu N.° 02/M-MAE/VII/2023, loron 10 Jullu 2023 Kona-ba Delegasaun Kompeténsia ba Sekretáriu Estadu Asuntus Toponímia no Organizasaun Urbana. Ministru Administrasaun Estatál delega kompeténsia espesífika iha área toponímia, organizasaun urbana, no jestaun espasu públiku ba SEATOU, tuir Artigu 6.° Dekretu-Lei n.° 46/2023, loron 28 Jullu, Orgánika IX Governu Konstitusionál.
Orden Servisu husi Sua Eselénsia Ministru Administrasaun Estatál, liuhusi Karta n.° 61/M-MAE/IX/2023, loron 15 Setembru 2023, Kona-ba Esplikasaun no Delimitasaun Kompeténsia Sekretáriu Estadu Asuntus Toponímia no Organizasaun Urbana hodi Estabelese norma téknika no prosedimentu ba instalasaun kuadru avizu ofisiál, sinál bandu para karreta, no ekipamentu urbanu seluk iha espasu públiku, hodi garante orden, seguransa no padronizasaun vizuál iha sidade no vila.
#Hotu
#Medi@MAE_2026
