Iha loron 28 Outubru 2015, Ministerio Adminstrasaun Estatal, liu husi S.E Ministro de Estado, Coordenador dos Assuntos da Administração do Estado e da Justiça e Ministro da Administração Estatal, Senhor Dionísio Babo Soares, halo abertura ba Konferensia Nasional konaba Reforma Administrasaun Local nebe maka organiza husi Gabinete Vice Ministro Administrasaun Estatal ho tema “Hanoin Hikas Fali Servisu Administrasaun Local Hodi Servi Diak Liu Tan Ba Sidadaun” iha biban ida ne’e depois de abertura ofisial husi S.E Ministro Administrasaun Estatal tuir kedas Vice Ministru Administrasaun Estatal, Senhor Tomas do Rosario Cabral, halo aprezentasaun konaba Prosesu Descentralizasaun Administrativa.
Hanesan ita hotu rona liu husi Televizaun no Jornal sira katak povu sempre halerik beibeik konaba Be’e no Estrada, tamba saida oras ne’e Governo Sentral halo hela knar ida ne’e, maka liu husi Konferensia ne’e importante tebes ba Ukun Nain sira oinsa atu fo sira nia paraser bainhira lolos Timor oan iha Komitmentu Politika atu Deskonsentra ka Descentraliza Poder ba kraik tanba artigo 5 Constituisaun da Republica dehan katak Poder Local ne’e sei iha, tenik Vice Ministro.
Partisipasaun iha Konferensia Nasional ne’e Director Geral husi linha Ministerio sira, Komisaun da Funsaun Publika, Administrador Munisipio, Administrador Posto no funsionario sira. Konferensia ne’e hetan Transmisaun Direita husi Televizaun Timor Leste.
