Segunda Feira, 27 Abril 2026, S.E. Ministru Administrasaun Estatal, Tomás do Rosário Cabral, hala’o reuniaun ho Exelencia Embaixadora Australia nian iha Timor-Leste Caitlin Wilson, hodi ko’alia kona-ba koordenasaun servisu hirak ne’ebé mak sei implementa iha tempu badak nia laran hanesan parte ida atu bele kumpre ba materia ka resultadu husi avaliasaun kondisaun mínima faze dahuluk no kumpre rekomendasaun husi Avaliasaun Kondisaun Mínima I Faze no visita husi delegasaun ne’ebé mak S.E Primeiru Ministru mos hola parte iha vizita refere.

Iha diskusaun ne’e Exelensia Embaixadora introduz prontidaun husi Governu Australia liu husi PARTISIPA ba S.E. Ministru MAE, atu mellora liu tan asistensia téknika faze daruak, iha nivel Nasionál no Munisipal tuir Polítika Governu Konstitusional da Sia liu husi Ministeriu Administrasaun Estatal (MAE).

Nune’e mós, Sua Exelénsia Ministru Administrasaun Estatál, Tomás do Rosário Cabral, hato’o programa prioridades husi MAE nian iha meadu tinan 2026 no 2027 ne’ebé mak bele kontinua hetan assistensia husi Governu Austrália ba iha faze importante sira husi implementasaun poder Lokál nian, hanesan asegura funsionamentu servisu munisipál nian, ne’ebé mak oras ne’e kabe ba kompeténsia husi Prezidente Autoridade Munisipal sira nian no mos assistensia teknika husi Ministériu Central hanesan asistensia téknika no formasaun spesífiku ba Estrutura Autoridade Munisípiu sira.

Reuniaun ne’e hala’o iha sala Gabinete Ministru MAE, akompaña hosi Xefe Gabinete MAE, Sr. Benigno H. da Cruz, Diretora Jerál Simplifikasaun Modernizasaun no Administrasaun Lokál, Sra. Maria Goretti Marques Belo, Diretor Nasionál Formasaun no Coperasaun, Cesar José Martins da Silva, ho ekipa husi Embaixada Austrália no PARTISIPA.

#Medi@MAE