Enkontru nebé realiza iha Palasiu Prezidensial Nicolau Lobato, Bairru Pite, S.E Tomás do Rosário Cabral nudar Presidente Komisaun Organizadora informa katak, preparasaun em jerál lao di’ak no tuir planu.
Excia mós relata hahú husi loron 17 fulan Maiu, sei hala’o abertura feira no konsertu múzika no atividade hotu sei enserra iha loron 20 Maiu.
Programa sira ne’e tomak sei hala’o iha área Tasi Tolu, Díli. Sua Excia mós hatutan katak, bainaka husi Indonézia no Austrália konfirmadu ona atu partisipa iha komemorasaun ida ne’e, enquanto nasaun seluk balun seidauk fó konfirmasaun ofisiál. Komisaun Organizadora kontinua halo kordenasaun ho parte relevante sira atu asegura atividade sira ne’e bele hala’o ho di’ak, seguru no organizadu.
Governu hein katak, komemorasaun Restaurasaun Independénsia tinan ida ne’e bele sai hanesan momentu importante atu hametin unidade nasionál no valoriza luta povu Timor-Leste nian.
Tema ba Selebrasaun ba tinan ne’e, IX Governu foti tema nasionál,” “Juntos Construiremos uma Pátria cada vez mais Justa, Inclusiva e Resiliente”. ne’ebé hetan ona aprovasaun husi reuniaun konsellu Ministro iha loron 15 fulan Abril 2026.
#Hotu
#Medi@Mae_2026
