11 Junu 2026
Kinta Feira semana ne’e, S.E. Ministru MAE, Tomás do Rosário Cabral, simu vizita kortezia husi Embaixadora Repúblika Popular China mai Timor-Leste, Sr. Wang Wenli. iha salaun Gabinete Ministru, hodi diskuti sobre akordu kooperasaun bilateral entre MAE ho Representante Repúblika Popular China iha Dili.
Sorumutu ne’e, S.E.Ministru MAE, aprezenta ba Embaixadora Repúblika China ho nia ekipa kona-ba polítika Governu Timor-Leste nian, ne’ebé la’o dadauk hela hanesan, implementasaun Desentralizasaun poder lokál, ne’ebé mak Governu Repúblika Popular China bele apoiu liuhusi akordu kooperasaun ho MAE.
Iha diskusaun ne’e, S.E. Embaixadora Sr. Wang Wenli, apresenta ba S.E. Ministru MAE Nia hanoin sira oinsa atu bele loke tan kooperasaun ne’ebé asina ona entre Munisipiu Manatuto ho Provinsia Hunan iha seitór produtivu seluk tan, tanba konsidera iha progresu diak tebes husi implementasaun. Akordu kooperasaun entre MAE ho Embaixada Repúblika China ne’ebé iha tiha ona antes.
Nu-entantu, Parte rua konkorda atu bele reve akordu ne’e, no sei asina iha tempu badak. S.E. Ministru MAE mós aprezenta Kooperasaun servisu hamutuk Governu Timor-Leste ho Governu Repúblika Popular China liu husi China AID no Provinsia Hunan iha area oin-oin.
Perante diskusaun, S.E. Ministru MAE, propoin mos atu akordu tuir mai bele haluan tan mos ba Munisípiu sira seluk ne’ebé iha rai diak ba implementasaun atividades agrikola, pekuaria no veterinaria.
S.E. Ministru MAE, akresenta mos sobre posibilidade Governu Repúblika China aumenta tan numeru assistenti tekníka iha Munisípiu sira hodi bele utiliza terrenu ne’ebé iha hodi hala’o atividades agrikultura. Entretantu, Ministru MAE, partilla mos sobre servisu MAE nian ba implementasaun polítika desentralizasaun no poder lokál, inklui destaka mós prioridade sira Ministériu nian no programa xave sira ne’ebé dezeña atu presta servisu ba sidadaun sira no reforsa papél no kapasidade Autoridade Munisípál sira inklui Autoridade Administrativa Ataúro nian iha dezenvolvimentu nasionál.
Nu’udar resposta husi diskusaun ne’e, S.E. Embaixadora China iha Dili, hato’o Nia apresiasaun sinseru ba S.E. Ministru MAE Nia tempu, no Governu Repúblika Popular China nia prontidaun atu kolabora no servisu hamutuk ho Governu Timor-Leste iha área sira hanesan Governasaun, Desentralizasaun, no kapasitasaun institusionál.
Nu-entantu, Embaixadora China mós subliña Governu Repúblika Popular China iha kompromisu ho vontade bo’ot atu partilla nia esperiénsia abilidade tékniku sira atu apoia Timor-Leste nia dezenvolvimento no Ikus liu mak S.E.Embaixadora China, Sr. Wang Wenli apresenta ba S.E. MAE, informasaun sira sobre investor Xineza balu ne’ebé iha interese atu investe iha supply power plant nian.
#Hotu
#Medi@MAE_2026
