11 Juñu 2026
Kinta Feira semana ne’e, S.E. Ministru MAE, Tomás do Rosário Cabral, simu vizita husi Representante Banku Mundial nian, Sr. DAVID FREEDMAN, iha salaun Gabinete MAE, hodi Ko’alia kona-ba apoia Banku Mundial nian ba Munisipiu sira.
Banku Mundial apresia mos ba progresu servisu husi implementasaun politika Desentralizasaun poder lokál no Apresentasaun Kondisaun Minima ne’ebé hala’o ona iha Territoriu T-L hamutuk ho S.E Primeru-Ministru iha fulan hirak liu ba.
Representante Banku Mundial ne’e afirma katak, Banku Mundial prontu apoia assistensia teknika ba Munisipius liuhusi formasaun ba Autoridade Munisipál no reforsa ekipa Gabinete Apoia teknika iha kada Munisipiu hodi bele mellora liu tan prestasaun servisu iha Autoridade Munisipál sira.
Representante Banku Mundial partilla mos informasaun ho S.E. Ministru MAE, kona-ba ekipa husi Banku Mundial nian ne’ebé hala’o hela mos misaun ho naran, “Timor-Leste Public Investment Mangement and Public Financial Management Mission” iha Dili, hahu husi loron 8—19 Juñu 2026.
#Hotu
#Medi@MAE_2026
