Manatuto, 13 Juñu 2026, Sarani Katólika iha Munisípiu Manatuto komemora Loron Padroeiru Sto. António de Lisboa ba dala-211 liuhusi selebrasaun Misa Agradesimentu iha Igreja Parokiál Manatuto.
Misa Eukaristia solene ne’e prezide husi Amu-Pároku Pe. Mario da Costa Melo Cabral, ne’ebé konselebra mós husi amu-lulik sira seluk. Prezensa mós iha selebrasaun ne’e mak Prezidente Autoridade Munisípiu Manatuto, Sr. Luis Inácio Henrique Fernandes, hamutuk ho membru Autoridade Munisipál, funsionáriu públiku sira, no sarani atus ba atus.
Selebrasaun Loron Sto. António de Lisboa sai ona nu’udar tradisaun no patrimóniu kulturál ba povu Manatuto. Hahú husi tempu bei-ala sira to’o ohin loron, komemorasaun ne’e hala’o beibeik kada tinan iha loron 13 fulan Juñu, akompaña ho atividade kulturál no relijioza oioin.
Sto. António de Lisboa konsidera nu’udar Mahein Amu Deus Coronel_ ba Manatuto, no ninia festa sai símbolu unidade, fiar, no identidade kulturál povu Manatuto nian.
#Hotu
#Medi@MAE_2026
