Díli, 16 Juñu 2026
Segunda-feira, 15 Juñu 2026, S.E. Sekretáriu Estadu Dezenvolvimentu Lokál, Eng. Mateus W. dos Santos Tallo, prezide reuniaun servisu hamutuk ho Diretór-Jerál Dezenvolvimentu Lokál, Sr. Virgílio da Costa, no Xefe Gabinete, diretor ONG munisipais inklui autoridade administrativa ataúru
Reuniaun ne’e realiza iha Salaun VIP-MAE, hodi diskute kona-ba Progresu Elaborasaun Planu Dezenvolvimentu Komunitáriu (PDK).
Objetivu prinsipál husi enkontru ne’e mak atu Avalia grau avansu atividade sira ne’ebé implementa ona iha prosesu elaborasaun PDK.
Identifika dezafiu prinsipál sira ne’ebé hasoru durante prosesu elaborasaun iha munisípiu no postu administrativu sira, no Define medida apropriada no konkreta atu aselera finalizasaun dokumentu PDK nian.
Iha sesaun ne’e, Diretór Servisu Munisipál sira mós aprezenta relatóriu progresu elaborasaun PDK husi kada munisípiu, inklui dezafiu ne’ebé sira enfrenta no rekomendasaun sira atu hadi’a prosesu iha futuru.
S.E. SEDL subliña importánsia PDK nian nu’udar instrumentu planeamentu partisipativu ne’ebé garante katak prioridade dezenvolvimentu mai duni husi komunidade sira-nia aspirasaun.
#Hotu
#Medi@MAE_2026
