Lisboa, 30 Juñu 2026 — Ministru Administrasaun Estatal, Tomas do Rosário Cabral hala’o sorumutu ho Omólogu Sua Exelénsia Ministru Defeza Nasionál Doutor Nuno Melo, hodi kontinua reafirma lasu amizade, kooperasaun no konfiansa entre nasaun rua iha valorizasaun patrimónia arquivístico.
Reuniaun ne’ebé mak realiza iha edifisiu Ministériu Defeza Nasionál, neebe lokaliza iha Avenida Ilha Madeira, hanesan parte ida hodi hatudu komitmentu Governu Timor-Leste no Portugal nian kona-ba kooperasaun ba valorizasaun patrimónia arquivo militár Portuguesa nian iha Timor-Leste hodi kontinua reforsa lasu amizade entre nasaun rua, tuir komunikasaun ne’ebé mak hala’o ona durante ne’e, no konsidera katak dokumentus arquivo militár Portuguesa nian arquivadu iha Instituisaun Governu hanesan Arquivo Nasionál Timor-Leste (ANTL.IP), hanesan instituisaun administrasaun indireta husi Ministériu Administrasaun Estatal.
Konsidera ba esperiensia konsolida no rekuiñese kompetensia téknika husi entidade ligadu ho Ministériu Defeza Nasional Portugal iha salvaguarda no valorizasaun patrimónia arquivu militár hanesan oportunidade boot ba Timor-Leste ne’ebé konta ho apoia tékniku Portuguesa através husi inisiativa sira ne’ebé mak inklui interkámbiu spesialista, realizasaun formasaun no mellora liután sistema arquivo ne’ebé oras ne’e eziste iha ita nia Nasaun Timor-Leste, liu husi moderniza liután sistema refere, no bele implementa liu husi selebrasaun akordu kooperasaun espesifiku, hodi kontinua hametin lasu amizade no kooperasaun entre Timor-Leste no Portugál, prezerva memória istóriku komum no promove kuiñesimentu jerasaun atual no futuru oin mai.
Depois sorumutu Governante nain rua kontinua asina akordu kooperasaun neebe mak sei foka ba iha rekuperasaun, konservasaun, manutensaun, dizitalizasaun, valorizasaun no identifikasaun sobre património arquivo militar Portuguesa neebe eziste iha Timor Leste.
Reuniaun no serimonia asinatura akordu kooperasaun nee akompanhia mos husi Sekretáriu Estadu Defesa Nasional, Álvaro Castelo Branco, dirijentes Ministériu Defesa Nasional, Embaixador Timor Leste iha Portugal, Manuel António Aráujo Serrano, Konselleiru Embaixada, Liborio Pereira, no ekipa Ministériu Administrasaun Estatal.
#Hotu
#Medi@MAE_2026
