Díli, 16 Juñu 2026
Tersa-feira, 16 Juñu 2026, Diretór-Jerál Desentralizasaun no Governu Lokál (DG-DGL), Dr. António Augusto Guterres, diriji reuniaun téknika kona-ba fiksasaun naran aldeia no suku iha territóriu Timor-Leste tomak ho Prezidente Autoridade Munisipál sira, iha Salaun VIP MAE.
Objetivu husi Diskusaun ne’e mak atu asegura katak prosesu identifikasaun, verifikasaun no fiksasaun naran aldeia no suku sira hala’o tuir prosedimentu administrativu no baze legál ne’ebé vigora, hodi garante uniformidade no klaridade iha utilizasaun naran ofisiál iha nivel nasionál.
Iha sorumutu ne’e, Diretór-Jerál DG-DGL subliña katak fiksasaun naran aldeia no suku importante tebes ba Dezenvolvimentu administrasaun públika, Planeamentu dezenvolvimentu, no Jestaun dadus, Servisu governasaun lokál.
DG-DGL husu mós ba Prezidente Autoridade Munisipál (PAM) sira atu kontinua koordena ho lideransa komunitária no komunidade sira hodi valida informasaun hotu-hotu antes submete ba aprovasaun finál.
Diskusaun ne’e husi PAM sira Partilla mos dezafiu husi Munisípiu sira kona-ba progresu levantamentu dadus no dezafiu ne’ebé sira hasoru iha prosesu identifikasaun naran aldeia no suku iha ida-idak nia área administrativa. Alein de ne Sorumutu ne’e foka ba harmonizasaun prosesu relasiona ho pedidu aprovasaun ba fiksasaun naran aldeia no suku iha territóriu Timor-Leste tomak.
Diskusaun ne’e, partisipa husi Diretór-Jerál DG-DGL, Sr. António Augusto Guterres, Diretór-Jerál STAE, Sr. Elviro Moniz, Diretór Nasionál Apoiu ba Administrasaun Suku (DNAAS), Sr. Celestino Marques, no Prezidente Autoridade Munisipál sira.
#Hotu
#Medi@MAE_2026
